Maliyyə Elm-Tədris Mərkəzi

Uzun tarixi yol

Bu gün maliyyə vəsaitlərinin, xüsusilə də dövlət maliyyəsinin proqnozlaşdırılması, icrası və istifadəsinə nəzarət eləcə də beynəlxalq və milli mühasibat uçotu standartlarının tədrisi sahəsində Azərbaycanın təlim xidmətləri bazarında aparıcı rola malik olan Azərbaycan Respublikası Maliyyə Nazirliyi yanında Maliyyə Elm- Tədris Mərkəzi (METM) uzun bir tarixi yol keçmişdir.

SSRİ Maliyyə Nazirliyinin “Maliyyə orqanlarının işçiləri üçün qısamüddətli kursların və iqtisadi seminarların təşkili haqqında” 09 fevral 1968-ci il tarixli 36 saylı məktubuna uyğun olaraq, Azərbaycan SSR Maliyyə Nazirliyinin 31 mart 1968-ci il tarixli A-13 saylı əmri ilə Azərbaycan SSR Maliyyə Nazirliyinin Maliyyə sistemi işçilərinin daimi fəaliyyət göstərən təkmilləşdirmə kursu yaradılmış və həmin dövrdən fəaliyyətə başlamışdır.

Müstəqil Azərbaycan

Azərbaycan Respublikası Maliyyə Nazirliyinin 30 sentyabr 1996-cı il tarixli 66 saylı əmri ilə “Azərbaycan Respublikası Maliyyə Nazirliyinin Maliyyə sistemi işçilərinin daimi fəaliyyət göstərən təkmilləşdirmə kursu” “Azərbaycan Respublikası Maliyyə Nazirliyinin İxtisasartırma Kursu adlandırmışdır.”

Azərbaycan Respublikası Nazirlər Kabinetinin 05 iyun 2002-ci il tarixli 91 saylı qərarı ilə Azərbaycan Respublikası Maliyyə Nazirliyinin İxtisasartırma Kursunun bazasında METM yaradılmışdır.

Yenilənmə

Respublikamızda mühasibat uçotu sistemində aparılan islahatların davamı kimi 2011- ci ildən Dünya Bankı ilə Azərbaycan Hökuməti arasında sazişə uyğun olaraq, Korporativ və Büdcə Sektorlarında Hesabatlıq layihəsi (KBSHL) çərçivəsində METM-in təşkilat strukturu, maddi texniki bazası yenidən qurulmuş, fəaliyyətini tənzimləyən normativ-hüquqi sənədlər ən yaxşı beynəlxalq təcrübəyə uyğunlaşdırılmışdır.

Faliyyət istiqamətləri

Mərkəzin fəaliyyət istiqamətləri aşağıdakılardır:

maliyyə və mühasibat işçilərinin peşə hazırlığının təkmilləşdirilməsini, yenidən hazırlanmasını, o cümlədən əlavə təhsilinin təşkilini həyata keçirir;
dovlət büdcəsindən maliyyələşən təşkilatlarda çalışan mühasibat işçiləri tərəfindən Büdcə Təşkulatları üçün Milli Mühasibat Uçotu Standartları əsasında müasibat uçotunun aparılması və maliyyə hesabatlarının tərtib edilməsinə dair biliklərin əldə olunması üzrə təlimlər təşkil edir və onları müvafiq sertifikatla təmin edir;
Azərbaycan Respublikasında fəaliyyət göstərən hüquqi və fiziki şəxslərdə çalışan mühasibat işçiləri tərəfindən Maliyyə Hesabatlarının Beynəlxalq Standartları, İctimai Sektor üçün Milli Mühasibat Uçotunun Beynəlxalq Standartları, Kommersiya Təşkilatları üçün Milli Mühasibat Uçotu Standartları və Qeyri-Hökumət Təşkilatları üçün Milli Mühasibat Uçotu Standartları əsasında mühasibat uçotunun aparılması və maliyyə hesabatlarının tərtib edilməsinə dair biliklərin əldə olunması üzrə təlimlər təşkil edir və onları müvafiq sertifikatla təmin edir;
maliyyə və mühasibat sahələrinin inkişafına dair elmi tədqiqatlar aparır;
maliyyə və mühasibat işçilərinin kadr siyasətinə dair təkliflər işləyib hazırlayır;
qanunvericiliklə müəyyən edilmiş digər istiqamətlərdə fəaliyyət göstərir.

Keyfiyyət

METM fəaliyyət müddəti ərzində təqdim etdiyi xidmətin keyfiyyətini ön plana çəkərək, yüksək peşəkar təlimçilərlə işləməyə üstünlük vermişdir.

Bu gün yüksək peşəkar təlimçilər komandası ilə işləyən METM maliyyə idarəetməsi, beynəlxalq və milli mühasibat uçotu sahəsində kurs və sertifikasiya proqramları, eləcə də xüsusi sifarişlər üzrə hazırlanan mövzular üzrə təlimlər təşkil edir.

Beynəlxalq əməkdaşlığı özünün prioritet istiqamətlərindən hesab edərək METM 2002-2014-ci illər ərzində bir sıra beynəlxalq maliyyə institutları ilə qarşılıqlı əlaqələr qurmuşdur.

Rəylər

METM-in xidmətlərindən faydalanan şəxslərin bizimlə bağlı təəssüratları.

İştirak etdiyim təlimlərdə görülmüş işin keyfiyyətini həm texniki, həm də tədris nöqteyi-nəzərdən yüksək qiymətləndirirəm. Belə ki, Maliyyə Naziriliyi yanında Maliyyə Elm-Tədris Mərkəzi kurs üçün çox yaxşı ab-hava yaradılmasına müvəffəq olmuşdur: təcrübəli təlimçilər, müasir avadanlıqla təchiz edilmiş tedris otağı. Həmçinin təlimlər çox fəal şəkildə keçirilirdi, təlimçi və hər bir dinləyici arasında incə bir kontakt qurulurdu. Ümumilikdə təlimdə iştirak edən dinləyicilərə münasibətdən razı qalmamaq mümkün deyil. Dinləyicilərin bilik səviyyəsinin qiymətləndirilməsində müasir metoddan istifadə olun¬ması xüsusilə təqdirəlayiqdir. Təlimlərin təşkilində və aparılmasında birge əməyi olan şəxslərə, Maliyyə Nazirii¬yi yanında Maliyyə-Elm Tədris Mərkəzinin əməkdaşlarına, Dünya Bankının nümayəndələrinə, təlimçilərə, zəhməti olan digər şəxslərə xüsusi təşəkkürümü bildirirəm. Qazandığım biliklərin karyeramın gələcək inkişafında böyük rolu olacağına əminəm.

Kəmalə Nəsibova

METM ilə tanışlığım 2012-ci ilin yay aylarından ilk dəfə Maliyyə uçotu fənni üzrə kursa dəvət alarkən başlayıb. İlk təəssüratlarımdan onu deyə bilərəm ki, hər şey mənim gözlədiyimdən daha yüksək səviyyədə oldu. Belə ki, Mərkəzin rəhbəri Elman muəllimin və işçilərinin ilk gündən bizə səmimi isti münasibət göstərməsi bizim daha da rahat fikirlərimizi bölüşməyimiz, ünsiyyət qurmağımız üçün şərait yaradırdı. Burada müxtəlif qurumların fərqli iş prinsipləri olsa da mühasiblərin bir arada təlimlərda iş¬tirak etməsi şəxsən mənim üçün yaxşı mənada təcrübə mübadiləsi oldu. Yeni standartlara keçilməsi ila əlaqədar bu kurslar demək olar ki, hamımız üçün yeni kompleks ya¬naşmanı tələb edirdi. Markəz fəaliyyətində kəmiyyət deyil, keyfiyyət prinsipi əsas götürdüyünü hər addımında hiss olunurdu. Fəaliyyət istiqaməti tadris olan qurumlarda bu xüsiyyət məncə nadirdir.

Isa Süleymanlı

İlk olaraq bildirmək istərdim ki, Maliyyə Nazirliyinin və bu tədris mərkəzinin gördüyü işlər əvəzolunmazdır. Büdcə təşkilatında çalışan hər bir mühasibin burada iştirakı mütləqdir. Kurslarda biz mühasibləri maraqlandıran bütün sualların cavablandırılması təqdirəlayiqdir. Hətta çox az təcrübəsi olan mühasib belə bu kursu tam bitirdikdən sonra hərtərəfli mühasib kimi formalaşmış olur. Vergi, hüquq, maliyyə hesabatlarının beynəlxalq standartları, milli mühasibat uçotu standartları, içtimai sektor üçün mühasibat uçotunun beynəlxalq standartlarının hərtərəfli izahı çox maraqlı və məqsədli idi. Təklif kimi praktiki olaraq büdcə təşkilatında uzun müddət çalışan, təcrübəli mütəxəssislərin dərslərdə müəllim kimi cəlb olunması məncə daha maraqlı olardı. İşlərinizdə uğurlar arzu edirəm. Ümummilikdə çox uğurlu bir idareətme və məqsəd var ortada.

Xəyal Bağırov

Kurslarda iştirak etdiyim müddətdə dərslərin interaktiv, müasir texniki avadanlıqlarla keçilməsi, iştirakçılara fərdi yanaşılması, keçilən dərslərin mənimsənilməsində böyük rolu oldu. Burada, yeni biliklərlə yanaşı yeni dostlar da qazanmış oldum. Bu yeni tanışlıq, uzun müddət təcrübəyə malik şəxslərlə bir qrupda təlimlərdə iştirak onların təcrübəsindən də faydalanmağıma səbəb oldu. Bu baxımdan Maliyyə Nazirliyi yanında Maliyyə Elm-Tədris Mərkəzinin əməkdaşlarına, kursların təşkilində zəhməti olan digər şəxslərə dərin minnətdarlığımı bildirirəm.